DILI obligado ang mga pampubliko ug pribadong tulunghaan sa Soccsksargen region sa full-blown face- to- face classes sa sunod school year tungod sa pabiling bahad sa Covid-19, butyag ni Department of Education (DepEd) 12 Carlito Rocafort.
Matud ni Rocafort, ang una nang gi-anunsyo ni outgoing Secretary Leonor Briones kalabut sa syento por syento nga pagbalik na sa F2F classes. Ang aron awhagon lang ang uban pang tulunghaan nga mag-reopen human sa duha katuig na nga blended learning tungod sa pandemya. Samtang nangandam sa posibleng full-blown sa F2F, naghulat sila sa desisyon ni incoming DepEd secretary ug Vice- President-elect Sarah Duterte.
Dugang sa opisyal, kini ang ‘subject’ sa pipila ka limitasyon, sama sa pangayo og pagtugot sa LGUs, ginikanan. Lakip na ang tan-awon ang kaandam sa tulunghaan sa pagpatuman sa minimum public health standards sulod sa mga campuses.
Kung mobalik ang F2F classes sa full-blown, hugot ipatuman ang mga limitasyon ug limitado lang ang ihap sa estudyante sulod sa classroom. Sa karon, butyag ni Rocafort naan a sa 85% sa mga tulunghaan ang nagpahigayon og limited face- to- face classes. I Richel Gubalani
