NAGPATABANG sa kapulisan ang usa ka residente sa Atlae, Malungon, Sarangani Province human nga nawala ang iyang motorsiklo ug nakit-an sa Gensan.
Hulyo 20 sa gabii nidangop sa presinto uno ang usa ka nagpangalang Jasper, 26-anyos kuyog niini ang Malungon PNP sa hot pursuit operation human nakita sa kanto Roxas ug Laurel ang motorsiklo nga kolor itum nga gikawat.
Ang resulta nabawi ang motorsiklo unya gidakop ang suspek nga residente sa Barangay Lagao, Gensan, human gidala sa presinto uno gitugyan usab ngadto sa Malungon PNP alang sa husto nga disposisyon sa kasong carnapping. I Ver Diazon
