Patay ang lalaking Most Wanted sa Laak, Davao de Oro nga dunay kasong Murder ug Frustrated Murder sa engkwentro batok sa otoridad nga natigayon sa Asuncion, Davao del Norte.
Giila sa Laak Municipal Police Station ang namatay nga si Cortes Dumayungan, hamtong ang pangidaron.
Sumala sa imbestigasyon arestohon unta sa otoridad si Dumayugan apan sumala pa nibunot kini sa iyang armas og gipabuthan ang otoridad.
Self-defense matud pa ang gihimo sa kapulisan hinungdan nga namatay ang suspek.
Nakuha sa crime scene ang usa ka armas, holster, mga bala, personal nga butang ug salapi nga iya ni Dumayungan. BNFM-Davao
