MIHANGYO ang Sangguniang Panlungsod (SP) sa GenSan sa kapulisan ug mayor nga undangon usa ang pagdakop sa mga traysikel nga expired na ang prangkisa.
Dungan sa lihok protesta sa pipila ka traysikel drayber sa atubangan sa SP atol sa sesyon, Martes sa buntag. Sa resolusyon nga gimandu ni bise- mayor Rosalita Nuñez human nakig-estorya sa nagprotestang sa mga drayber. Gibutyag niyang hangyoon nila ang Department of Interior and Local Government (DILG), kapulisan sa GenSan ug Mayor Lorelie Pacquaio.
Sa pagpatuman sa ‘moratorium’ alang sa temporaryong pagpaundang sa pagdakop sa mga traysikel nga expire ang prangkisa. Kini human gibasura sa konseho duha ka semana ang milabay, ang sugyot nga franchising guidelines ordinansa sa boto nga walo ang pabor, upat ang dili pabor samtang usa ang abstain. Giklaro sa bise- mayor, kini aron hatagan lang og panahon ang konseho aron mahisgotan subli ang sugyot og maklaro ang ilang mga pangutana.
Sa bahin ni Ben Alomnial, traysikel drayber problema nila ang kanunay nga pagpangdakop sa kapulisan ug daghan ang nahadlok labi na ang na-expired na ang prangkisa sa traysikel. Una nang, nadismaya si Konsehal Dominador Lagare Jr., chairperson sa komitiba sa transportasyon sa desisyon sa majority sa konseho. I Richel Gubalani
