Umpisa makarung ikaywang semester it 2024, ap-at nga local government units (LGUs) sa Western Visayas ro magaumpisa nga magapatuman it bueanan nga payment para sa Social Pension of Indigent Senior Citizen (SPISC) sa idaeum it Social Pension Program nga ginapamunuan it Department of Social Welfare and Development (DSWD) Region 6.
Nagtaeana ro DSWD-6 it kabilugan nga budget nga P2,315,724,000 para sa mga social pension it mga senior citizen sa ap-at nga LGU.
Raya hay ro Lezo, Aklan; Jordan, Guimaras; Bacolod City ag Manapla, Negros Occidental.
Sa idaeum it Memorandum Circular No. 10, series of 2024, nga ginpaguwa ku Hulyo 8, ro payment hay igatao eon kada buean. Sa pihak nga parte, ro payout sa mga nabilin nga lokalidad it Rehiyon 6 hay magiging quarterly basis. // ANN DESLENE SALAZAR
