Mas pakusgan sumala pa ang pagbantay sa coastal road aron nga mapabilin ang kahinlo, human sa nag viral nga post nga dunay naghugaw-hugaw pinaagi sa pagbandal niini.
Sumala pa ni PMaj. Rose Aguilar, ang bag-ong Station commander sa Talomo Police Station, nga daghan ang naka-deploy nga mga pulis sa lugar.
Dugang pa ni PMaj. Aguilar, nga isip Dabawenyo, protektahan ang coastal road o bisan asang lugar dinhi sa Davao batok sa mga langyaw o mga dili taga-Davao nga maghugaw-hugaw o mangabuso dinhi sa syudad.
Kinahanglan sumala pa nga disiplinado ang Dabawenyo gumikan sa bisan unsang kadaut nga gihimo, mu-reflect gihapon kini sa mga taga-Davao.
Kahinumdoman nga ikaduhang higayon na nga dunay nag-bandal sa coastal road. Una na sab nga nagviral ang mga basura nga gibilin sa lugar.
