Nagbahad si Cebu Governor Gwendolyn Garcia nga pasakaan ug kaso ang bisan kinsa nga musupak sa lagda nga iyang giluwatan kabahin sa pagkuha ug samples ug pagtest sa mga baboy sa probinsya.
Matud ni Atty. Donato Villa, legal officer sa Kapitolyo, nga dili sila magduha-duha sa pagpasaka og kaso sa mga mosupak sa maong lagda.
Sa gipagawas nga memorandum si Garcia nga direkta ngadto sa mga mayor ug kapulisan, nagmando kini sa pagbabag sa mga ahensya nga mopugos sa pagconduct og tests o pagkuha og samples sa blood, serum, tissue o ubang organs sa mga baboy sa probinsya.
Base sa lagda sa gobernador ang gitugotan lang nga makakuha og samples ang properly trained municipal agriculturists o city veterinarians.
