Giablihan na sa Southern Philippines Medical Center (SPMC) ang modualr hospital nga dunay 22 beds capacity nga gitukod aron maakomodar ang mga pasyente nga natakbuyan sa virus.
Gitukod ang maong pasilidad human nakasinati ang SPMC sa pag-awas sa mga pasyente nga giadmit busa mapasalamaton si SPMC chief Ricardo Audan sa DPWH sa paspas nga pagtukod niini.
Gipasalamatan usab niini ang Bureau of Customs (BOC) nga maoy nagdonar sa kapin 30 ka 30 ka mga hospital beds nga magamit sab sa modular hospital.
Luyo sa dugang bed capacity, nagpabiling suliran karon sa SPMC ang kakulang sa mga medical staff busa nanawagan kini ngadto sa mga bag-ohay pa lamang migradwar nga moapply sa daghang mga bakanteng trabaho aron mapun-an ang ilang pwersa.
Nasayrang base sa latest ultilization rate as of August 31, 2021 sa SPMC, syento porsyento na nga nagamit ang ward ug ICU beds lakip na dinhi ang gipahimutang nga beds sa IPBM. BNFM-DAVAO
