Matagumpay sa kabuuan ang nagpapatuloy na Modified Palarong Bicol 2023, ito ang naging pahayag ni Department of Education Regional Director Gilbert Sadsad sa pakikipagpanayam ng Brigada News FM Sorsogon.
Ayon dito, sa kabila kasi ng ilang mga hindi inaasahang pangyayari ay maayos naman na tumatakbo ang aktibidad at wala namang naitatalang mga malalang problema.
Pagtitiyak nito, napapangalagaan ang kapakanan ng lahat ng mga atleta at delegado kung saan mayroon silang mga nakatalagang tauhan na nakaantabay sa mga maaaring mangyari lalo pa at hindi umano nila inaalis ang posibilidad na mayroong mga mahihimatay dahil sa mainit na panahon.
Sa huli sinabi nito na kung mayroon mang mga pangyayaring hindi nila inaasahan ay maayos naman nila itong natutugunan at nabibigyan ng solusyon.
