BNFM BICOL – ISINAGAWA ng Maritime Industry Authority Regional Office (MARINA) Bicol ang Modified Basic Safety Training para sa mga seafarers mula sa iba’t-ibang probinsya sa rehiyon sa pangunguna ni Regional Director Atty. Maximo Bañares, Jr.
Dinaluhan ito ng 65 na trainees na nagmula sa Albay, Masbate, Sorsogon, Catanduanes, Camarines Sur, at Camarines Norte bilang bahagi ng kanilang requirement upang mabigyan sila ng Seafarer’s Identification Book (SIB), Certificate of Marine Profession (CMP) and License ID.
Layunin ng training na madagdagan ang kaalaman sa kaligtasan at mga kasanayan ng mga seafarers upang maging epektibo sa kani-kanilang mga trabaho sa barko kung saan tinalakaty ang Elementary First Aid (EFA), Personal Survival Techniques (PST), Fire Prevention and Fire Fighting (FPFF), Personal Safety and Social Responsibilities (PSSR), at Typhoon Awareness. # # # Pauline Manga, Intern
