Inaasahang ngayong araw ilalabas ng Metro Manila Council ang kanilang rekomendasyon para sa COVID-19 alert level sa National Capital Region.
Ito ang kinumpirma ni Metropolitan Manila Development Authority (MMDA) Atty. Romando Artes.
Ayon kay Artes na kinukumpleto na lamang ang pirma ng mga alkalde para sa mailabs ang resolusyon subalit tumanggi muna itong banggitin kung ano ang rekomendasyon ng Metro Manila Mayors.
Subalit inilahad ni Artes na naging unanimous ang mga chief executives sa NCR sa kanilang rekomendasyon.
Iginiit naman ng opisyal na handa ang Metro Manila ano mang alert level na ipatutupad sa lugar.
