Arestado ang isa ka mister matapos nakuhaan sang indi lisensyado nga armas-luthang sang ini ang gin-implementaran sang search warrant sang mga kapulisan sa Sitio Pang-pang, Brgy. Bolo, Roxas City takna alas 8:41 kagab-i sang Huwebes, Nobyembre 23.
Ginkilala ang nadakpan kay alyas Raul, 59-anyos kag residente sang nasambit nga lugar.
Nakuha sa iya paghinakop ang isa ka unit sang .38 caliber revolver, 2 cartridges sang .38 caliber revolver kag 3 catridges sang 9mm caliber of firearm.
Ang nasambit nga warrant ang gin-isyu kag ginpirmahan ni Judge Esperanza Isabel E. Poco-Deslate, RTC, Branch 19, Hall of Justice, Roxas City napetsahan Nobyembre 23, 2023.
Sa karon, nagapabilin ini sa kustodiya sang Roxas City PNP kag natalana nga pasakaan sang kaso nga paglapas sa RA 10591 ukon Comprehensive Law of Firearms and Ammunition Act. | Judy Ann Juare
