NAGHATAG og pahinumdom ang usa ka pastor alang sa katawhan nga adunay pay kahadlok nga gibati gumikan sa mga linog nga nasinatian sa milabay nga semana.
Sumala kay Pastor Manny Mahusay nga sa wala pa ang nasud Pilipinas aduna nay tagna nga mabasa sa Balaang Kasulatan nga sa mga panahon moabot ang mga ilhanan sa duol nga pagbalik sa Ginoo, anaa dinhi ang mga giyera sa matag nasud, gutom, balatian ug ang linog.
Gumikan sa mao nga mga hitabo nagpasabot nga mao kini ang mga katumanan sa mga tagna ug dili mapugngan ug mahitabo gayud, ginatawag kini nga ‘Act of God’ ug walay mahimo ang mga tawo.
Tambag ni Mahusay nga angayan nga mangandam sa kaugalingon sa mga panghitabo ug magpaduol sa Ginoo kay mao lamang ang kasandigan sa mga hitabo nga walay kontrol ang mga tawo. I Ver Diazon
