-Reymund Titong
BARANGAY TAMBO, AYUNGON, Negros Oriental — Matapos ang masobra duwa ka tuig nga pag-serbisyo ni Lieutenant Colonel Van Donald Almonte, bilang battalion commander sang 94th Infantry Battalion, siya ang sa karun gin tal-usan na ni Lieutenant Colonel Zeigfred Tayaban.
Sa ginpatigayon nga change of command sang Miyerkules, Hunyo 26, sa headquarters sang ila hubon sa Barangay Tambo, banwa sang Ayungon sa Negros Oriental, mismo si 303rd Infantry Brigade Commander Brigadier General Orlando Edralin ang nangin presiding officer sang okasyon.
Sa mensahe ni Almonte, iya ginpasalamatan ang tanan nga mga tropa sang battalion nga nangin instrumento sa paglab-ot sang nagkalain-lain nga dalagko nga kadalag-an nga amo Naman ang nagtulod nga nakilala bilang “fightingest army battalion” ukon ang pinakaisog nga hubon sang militar sa Visayas.
Sa report nga ginbalhag sang militar sa idalum sang liderato ni Almonte, nakapatigayon ini sang 6, 810 combat operations, naka pa-surrender sang 98 ka gina-alegar rebelde, pagkadakop sang 12 ka mga gina-alegar rebelde, kag pagka-patay sang 24 tanan ka mga ginapatihan rebelde, lakip na ang anay commanding officer sang regional command sang New People’s Army (NPA) sa Visayas nga si Juanito Magbanua.
Nalakip man sa report nga ginakabig dako nga accomplishment ang pagkapatay kay Rogelio Posadas, ukon alias “Poten,” ang secretary sang Regional Committee sang NPA sa Western kag Central Visayas.*
