Gipildi sa Barangay 1 ang 16 ka mga teams sa pinakaunang inter-barangay giant volleyball game kagahapon sa City Auditorium dakbayan San Carlos.
Nakadawat ug15,000 pesos og trophy ang Brgy.1 isip kampyon gisundan sa Brgy. Bagonbon nga maoy 1st runner-up nakakuha usab og trophy ug 10,000 pesos samtang ang Brgy. Buluangan isip 2nd runner-up nga adunay tropeyo ug 7,000 pesos,gihatagan usab ug tag 3,000 pesos isip consolation prize kadtong barangay nga wala makasulod sa finals.
Matag charter day mag-organisar
si City Tourism Operations Officer Jennifer Saballa-Paran og get-together alang sa mga empleyado sa barangay hall pinaagi sa usa ka tournament o contest nga makatabang sa pagpalig-on sa ilang teamwork.
Gikonsiderar ni Paran nga mopahigayon og laing higanteng duwa sa volleyball sunod tuig sanglit makalingaw kini.
Malaumon si Punong Barangay Joselito T. Lopez sa Brgy. 1 nga mapadayon ang maong duwa sanglit nalingaw sila ug nalipay sa pagdaog niini.
