“ Mis-information, religious belief , fake news “, ini amo gintumod ni Governor Eugenio Jose Bong Lacson kun nga-a indi paborable ang pagbaton sang mga pumuluyo sa bakuna kuntra sa Covid 19.
Sandig kay Lacson may mga abyan siya nga nabiktima sang coronavirus kag napatay nga nagapati nga indi maayo ang vaccine sa lawas sang tawo.
Gintumod man sang gobernador ang kalayu-on sang mga lugar , isa man sa mga factor ukon kabangdanan kun nga-a madamo sa gihapon ang wala makabaton sang ila nga Covid-19 vaccines nga masami ginapakadto na lamang sa isa ka partikular nga duog agud magpabakuna.
