Isasailalim ng Manila International Airport Authority sa malimit na disinfection ang mga lugar sa Ninoy Aquino International Airport (NAIA) kung saan mataas ang posibilidad ng exposure ng mga pasahero sa FLiRT variant ng COVID-19.
Pakikiisa ito ng MIAA sa pagsisikap ng pamahalaan na masugpo ang pagkalat at hawaan ng virus.
Inatasan ni MIAA General Manager Eric Ines ang lahat ng Terminal housekeeping service provider na idisinfect ang mga check-in counters at immigration counters.
Nanawagan naman ang MIAA na sumunod ang lahat sa mga health protocols at guidelines ng mga health authorities.
