GIREKOMENDA karon sa Mines and Geosciences Bureau o MGB region-12 ang pag-relocate sa mga nagpuyo duol sa Klaja river sa Brgy.Conel.
Gipagawas ang rekomendasyon ni Ariel Austin Acosta, MGB-12 supervising geologist, human sa napondo nga tubig sa taas nga bahin sa maong sapa human ang landslide nga nahitabo niadtong Nobyembre 9.
Sa karon, bugtong tambag ni Acosta sa mga nagpuyo duol sa lugar nga magbinantayon labi na karong nasinatian ang pag-ulan.
Una nang gibutyag ni Engr. Emerald Signar, labaw sa City Engineers Office nga peligroso nga mahitabo ang laing landslide tungod sa padayung pag-ulan asa muhumok ang wala ug tuong bahin sa portion sa midahili nga bukid.
Usa sa mga opsyon ang anam anam nga pagbangag sa yuta nga napondo aron makagawas ang tubig nga anaa sa 40 feet ang gitas-on ug natabunan sa midahili nga yuta.
