DILI kontento ang mga laray vendors sa tubag sa City Administrator may kalabotan sa ilang reklamo nga gikuha ang ilang tinda unya halin sa clearing operation.
Sumala sa usa ka fruit vendor nga si Rocaya Puertes nga wala nauli ang iyang tinda nga mga pinya nga unta niadto man sila dayon sa City hall aron magbayad sa multa, naabtan daw sila ug hapon sa paghulat sa clearing team.
Segun usab kay alyas Bebe nga ang iyang kauban nga nagapakape sa kaadlawon, agrabyado gumikan wala nauli ang usa ka libo nga kwarta, ang nauli ang mga botelya sa softdrinks apan wala nay sulod unya ang pitaka nga wala nay kwartang sulod.
Kahibaluan nga ang tubag ni Atty. Franklin Gacal nga murag dili siya mutuo sa alegasyon ug kon nagareklamo gayud ang vendors mamahimo usab nga moadto sa iyang opisina aron imbestigahan pag usab ang reklamo. I Ver Diazon
