Umaray ru mga van drivers sa Aklan matapos nga sumaka ru presyo’t gasolina sa world market.
Sa interview it BRIGADA News FM Kalibo kay Manong Janing Aranas, sangka van driver byaheng Kalibo-Caticlan ag Kalibo-Roxas vice-versa, maskin mag 200 pesos eamang ru pamasahe it mga pasahero hay makabawi eon it sangkiri.
Makaeoeo-oy ag uwa eon sigun it mahimo ru sitwasyon it mga drivers ag operators it mga naga byaheng van rason nga naga hinyo imaw it naga kaigong action sa mga natungdan.
Gina taw-an eamang sigun it konsiderasyon ru mga drivers para may mai-uli man nga kwarta sa andang pamilya.
Naga-abot eamang sa makaron it 1% ru mga pasahero rason nga malisod makabawi ru mga drivers.
Indi man pweding paga buhayon ru mga pasahero sa paghueat it ibang mga pasahero dahil may anda man sigun nga gina hingabot nga oras.
Ingkaso sigun nga uwa’t pasahero hay gina extend it mga drivers ru sangkiri nga oras agud maka dugang sa maga okupa it lingkuran sa van.//MARIVIC Y. ILIN
