ILOILO CITY – Dapat may ‘presence of mind’ ag maging ‘attentive’ ro mga vaccinators samtang nagaturok it COVID-19 vaccine.
Raya ro panawagan it Department of Health (DOH-6) sa mga healthcare workers nga una sa mga vaccination sites kasunod it reklamo it magmaeanghud nga taga-Iloilo City nga ibang brand it bakuna ro ginturok para sa andang 2nd dose.
Base sa DOH-6, sayud man it tanan nga gaoy ro mga vaccinators sa mga vaccination sites ngani kinhangean nga maghambae sanda sa andang mga supervisors nga ginagaoy sanda agud malikawan ro kaparehung insidente.
Samtang, ginatugyan eon it DOH 6 sa mga local government units (LGUs) ro pagpapanaug it disciplinary actions sa mga vaccinators nga naghimo it vaccine mixing bangud bukon raya it kaeakip sa mga guidelines ag policies nga andang ginpaguwa angot sa pag-administer it bakuna kontra sa virus. / ANN DESLENE SALAZAR
