MA-ENJOY na sa mga motor vehicles drivers ang 10-year validity sa driver’s license sugod karong tuiga. Apan kinahanglan nga walay mahimo nga pagsupak sa balaud trapiko ang maong drayber. Matud ni Macario Gonzaga, Regional director sa Land Transportation (LTO) 12 epektibo kini Oktubre ning kasamtangang tuig.
Magsilbi sumala pa kini nga insentibo sa mga draybers nga wala nakasupak sa nagkadaiyang traffic laws. Ipatuman sa ahensiya ang ‘demerit’ system asa ang pagsupak ang naka-classify depende sa ginbug-aton sa nakasupak. Kung ang drayber ang nakasupak dili kini makatilaw sa maong prebelihiyo ug kini ang makamulta o ma-revoke ang lisensiya depende sa violation nga nahimo.
Naglaom si Gonzaga nga makunhuran ang mga road crashes nga sagad miresulta sa pagkasamad ug pagkamatay sa pagpatuman sa sistema. ( Richel Gubalani)
