NAKITA sa mga trisikad ug tricycle driver sa Gensan ang kapigado sa kinabuhi sa mga tawo busa wala sila nagduha- duha nga tambongan ang panagtigom sa tanang kandidato sa AIM sa Trinidad Complex sa Barangay San Isidro nga gipangunahan ni Brigada Elmer Catulpos tungod gusto nila nga musuporta aron mahaw-as ang ilang kinabuhi gikan sa kalisod.
‘Nakikita ko kasi ang kahirapan ng Gensan, sobrang-sobra na po kasi walang disiplina ang Gensan’ asoy ni Garry Anda.
Gilauman ni Anda nga kung kinsa ang modaog karong eleksyon planohan ang pagbutang og kaugalingong terminal alang sa ang tanang tricycle ug sikad driver aron dili sila mahimong sagabal sa dalan.
Nakita niya ang maayo nga plano ni Catulpos busa kuyog niya ang iyang mga kauban nga driver aron ipakita ang ilang suporta. Ang pagpamasada ang usa sa ilang panginabuhian ug diri sila nagakuha og pang-palit sa pagkinahanglan sa ilang pamilya.
‘Kawawa naman po yung mga kababayan nating mga tricycle driver, kawawa naman po yung mga mahihirap at sana bigyan sila ng pansin’ dugang ni Anda. Samtang sa bahin ni Gilbert Rivera gilauman niya ang dakong kabag-ohan sa syudad pinaagi sa mga kandidato nga mipalansar. ‘Mahatagan mi og kagawasan sa pagpamasada kay daghan na nga higayon nga adunay daghang mibabag sa among pagpamasahero isip mga driver’ sumala ni Rivera. Ang pag-angat gikan sa kalisod sa kinabuhi maoy nakaaghat sa katawhan nga magtinguha og bag-ong lider nga adunay kasing-kasing sa mga kabus busa kadaghanan kanila nagsaysay nga si Brigada Elmer Catulpos ang makatabang kanilang tanan nga mga driver sa Gensan.
