NAGA CITY – Inubliga ng Department of Interior and Local Government Bicol o DILG Bicol ang lahat ng mga Barangay Officials hindi lang sa probinsya ng Camarines Sur, maging sa buong rehiyon ng Bicol na maglagay ng generator o gen set sa bawat presinto para sa Halalan 2022.
Ito ang napag-alaman ng Brigada News FM Naga kay Nelly Largo, Liga ng mga Brangay President sa Camarines Sur.
Aniya, maliban kasi sa isa sila sa mga nagbabantay ng mga paraphernalia katulad ng mga Vote Counting Machines o VCM, mga balota, pinatitiyak din na magkaroon ng generator ang bawat presinto lalo na’t matatapos ang botohan alas 7 na nang gabi.
Kaya naman ngayon palang nagpupursige na ang mga barangay officials para matugunan ang kahilingan ng DILG.
