DAPAT ang mamahimong lider sa syudad sa Heneral Santos katong lider nga adunay kasing kasing alang sa mga kabus ug dili sa kaugalingon lang nga interest.
Sa pahayag sa usa ka backyard piggery owner sa Purok San Lorenzo, Apopong nga nakuhaan og mga binuhing baboy unya gipangpatay gumikan sa usa ka kaso sa African Swine Fever kon ASF nga mamahimo nila nga basihan sa pagpili og kandidato sa Mayo 9 ang nahitabo kanila karon nga krisis sa panginabuhian.
Gihulagway ni Agbay nga ang dapat mahimong Mayor sa Gensan katong mahibalo mosabot sa mga kabus unya matinabangon kay sa ilang sitwasyon nga krisis wala daw niya personally nabatyagan ang pagpangga sa usa ka amahan sa lungsod.
Wala man lang daw niadto sa ilaha aron maghatag comfort sa dihang gipangbira ang ilang binuhing baboy nga maoy ilang panginabuhian,sumpay sa ilang kinabuhi og tubag unta sa ilang mga pangandoy sa ilang kabataan.
Subli usab nga nanawagan si Agbay sa incharge sa ayuda nga salapi nga dalian kay hagbay na sila nga nakaperma og papel alang niini. I Ver Diazon
