Naniniwala si dating Chief Presidential Legal Counsel Atty. Salvador Panelo na hindi dapat masiyadong seryosohin ang mga tirada ni Vice President Sara Duterte.
Una na kasing sinabi ng Bise na ‘pag nagpatuloy daw ang mga pag-atake sa kaniya ng administrasyon – huhukayin daw niya sa libingan si dating pangulong Ferdinand Marcos Sr. at ibabato sa West Philippine Sea.
Sa panayam ng Brigada NewsFM Manila kay Panelo – sinabi nitong ‘literal’ na tinatanggap ang mga patutsada ng Bise Presidente.
Aniya, sa mga bumabatikos, tila’y ‘di raw nila alam ang ‘hyperbole’, ‘o ‘yung pag-exaggerate sa mga bagay-bagay.
Binanggit din niya na hindi na ito pinatulan ni Sen. Imee Marcos kung kaya’t huwag raw masiyadong bigyan ng kahulugan.
