LEGAZPI CITY – Normal pa man giraray an pagkabuhay kan mga residente sa banwaan kan Libon, Albay dawa binugtakan na ki kadakol na mga kapulisan asin kasuldadusan.
Sa intrevista kan Brigada News FM Legazpi kay Chief of Police PCapt. Victor Borjal, sinabi kaini na very peaceful pa man giraray an naumbitan na banwaan.
Segun pa kay Borjal, sa saiyang assessment, dawa siisay na turista na gusto maglaog sa banwaan, mapa-lokal man o internasyunal tourist, magigin ligtas.
Tinawan-doon pa kan hepe, dae pa man ini parehas sa ibang lugar, siring sa Mindanao, Abra asin Masbate na igwang kariribokan kada may election na mangyayari.
