-Reymund Titong
KABANKALAN CITY, Negros Occidental — Pipila ka mga residente ang mas pabor sa sitwasyon sang Candoni kun e-kumparar sang estado sini tinalikdan nga mga tinuig.
Suno kay Lucresia Nabilla, isa ka negosyante sa Barangay Gatuslao, mas maayo na ang sitwasyon sang banwa sa subong nga panahon bangud malapad kag halos semantado na ang mga dalan pakadto sa ila barangay, kag madamo na nga mga turista ang naga lagaw diri.
Dugang pa niya, ang ila lugar ang anay apektado sang Oplan Thunderbolt sang gobyerno, bangud sa supog nga presensya sang New People’s Army (NPA) sa lugar. Apang sa karun, mahambal nya nga matawhay kag layo na sa kinagamo.
READ: Mga pumuluyo na-kunsolta antis nagsugod ang P2-billion palm oil project sa Candoni
READ: Mga pananum sang mga mangunguma sa Candoni, apektado bangud sa palm oil project
Sa piyak nga bahin, may mga magagmay man nga tyangge nga yara naga-inulhot sa lugar bangud sang Palm oil plantation, sa diin ginatos na nga mga tawo ang diri naga trabaho.
Ginapanglantaw man ni Nabilla nga magapadayon ang progreso sang banwa samtang nagalakat ang panahon. Samtang, may mga naga-uhong naman nga mga kapehan kag mga lalagawan sa banwa.*
