Ginpanabaan eun it Inter-Agency Task Force for the Management of Emerging Infectious Diseases sa Alert Level 1 halin Marso 1 hasta 15 ro probinsiya it Aklan, nga nagapahiwatig it manaba nga antas it impeksyon sa coronavirus.
Pero sa pihak kara, nagpahanumdom gihapon si Aklan Governor Florencio Miraflores sa publiko nga maghaeong bisan padayon nga naganaba ro mga kaso it Covid-19 sa tunga it pandemya.
Base pa sa ana, padayon gihapon nga obserbahan it publiko ro mga ginapatuman nga minimum health standards kapareho eun eamang it pagsuksok it face mask sa tanan nga oras sa mga pampublikong lugar ag maghiwat it social distancing.
Gintaw-an man nana it bug-at nga bukon raya it tiempo para maging kampante ag ginkumbise ro mga tawo nga padayon nga maghaeong./JIL B. LACSON
