LEGAZPI CITY – Kinumpirmar kan Public Safety Office (PSO) kan Tabaco City na dakol na sindang nareresibeng mga reklamo kontra sa mga naga-overnight parking.
Sa intrevista kan Brigada News FM Legazpi kay Public Safety Officer Hennie Colarina, sinabi niya na puon kan inimplementar an road clearing, ini su boot an kadalasang naeeksperyensyar nindang sirkumstansya.
Igwa sindang ordinansa kun sain sa laog nin 72 oras, dapat ma-settle na an gabos na mga violations huli ta kun dai, pwedesir nang magsangat nin kaso an saindang opisina.
Segun kay Colarina, bako sana ini para duman sa mga naga-overnight parking kundi para man sa mga colorum.
Basado sa ordinansa, sa first offense, PHP500 an multa kan violator mantang PHP3,000 sa second offense. Sinabi niya, an mga barangay officials pati mga barangay tanod sa syudad, pig-deputize para sa nasambit na ordinansa kun sain tinawan an mga ini ki otoridad na mag-isyu nin citation ticket sa siisay man na magbalgar.//