BICOL – PIG IIMBITARAN kan Department of Health sa Bicol an mga healthcare workers gikan sa mga pampubliko asin pampribadong pasilidad sa rehiyon na makisumaro sa mga ikakasang aktibidad kan ahensya.
Antes kayang magtapos an bulan nakatalaan na ilansar kan DOH-Bicol an ‘Get Vaccinated’ Webinar para sa mga healthcare practitioners kun kaya pig iingganyar an mga ini na amay na magpa-register.
Dugang pa kan ahensya enot na isasagibo an Pre-Webinar Orientation sa Setyembre a-22 via Cisco Webex.
Obheto kaining matawan nin walk-through o giya an mga healthcare workers sa proseso kan pagpa register asin ‘microsite navigation’ sa mismong aldaw kan webinar.
Sa mga nmawot magpa register, bisitahon sana an getvaccinated.ph/webinar asin i-click an REGISTER button kun saen mahihiling an sisimbagan na registration form na kaipuhan mai-submit para makumpleto an proseso.
Makakaresibe man nin kumpirmasyon sa e-mail kun matrayumpong nakapag register asin link na gagamiton para makapag log-in asin makalaog sa portal sa mismong aldaw kan webinar.
Pagiromdom kan DOH-Bicol, limitado sana sa 2,000 partisipante an aktibidad kun kaya mas maray soboot na amay magparehistro.
Mantang maako man nin mga kahaputan an mga kan webinar na gigibohon man sa sistematikong paagi.
Maresibe man nin sertipikasyon an mga partisipanteng mabale asin matrayumpong na makakatapos nin nasabing webinar session.
