LEGAZPI CITY – Nagpapadagos an mga proyekto kan EDUCO Philippines sa Bicol Region nganing mapundo asin maibetaran na an child labor cases sa mga probinsya.
Aminado kaya an nasambit na organisasyon na dakol pa an kaso nin child labor partikularmente sa tulong mga probinsya rehiyon.
Ini an sinabi ni JP Mapula, an area manager kan EDUCO Sorsogon asin Albay sa intrevista kan Brigada News FM Legazpi.
Kaibahan sa pig-identipikar ni Mapula na mga probinsya an Albay, Sorsogon asin Catanduanes na iyo an mga may pinakadakol nin kaso nin child labor.
Segun saiya, base ini sa datos kan Department of Labor and Employment asin kan mga lokal na gobyerno.
Sinabi pa ni Mapula, nagkaigwa sinda nin 200 target na mga benepisyaryo sa naunambitang mga probinsya nganing matawan sinda nin mga interbensyon asin asistensya.
Mientrastanto, nagin maray man su boot an pagpautob kan nasambit na proyekto huli ta pigsyerto nindang gabos matatawan nin magkakanigong interbensyon asin asistensya asin makabalik sa pagklase an mga kaakian.
Segun pa kay Mapula, kinakaipohan na tawan nin importansya an karapatan kan mga kaakian na sinda makapagtapos sa pagklase huli ta dakol na mga opurtunidad kun sinda makakapagtapos.
