Naka angkon it lastro sa kaeawasan ru driver it tricycle matapos ma hit and run it sangka pick-up sa Toting, Reyes St., Kalibo
Nakilaea ru driver it tricycle nga si Roderick Borbolano, 37 anyos ag residente it Brgy. Bakhaw Sur, Kalibo.
Suno sa biktima, naka parking ru tricycle ag dayon gulpi eang nga gin sunggaban it pick-up nga color green nga gina maneho it uwa pa makilaeang driver.
Napansin sigun nga hilong ru driver it pick-up matapos makit-ang naga liko-liko sa daean.
Nasamad ru prente ag atop it tricyle matapos nga sumunggab ru pick-up.//MARIVIC Y. ILIN
