Paga kasuhan eon it homicide ro mga persona nga imbolbado sa natabo nga kinagamo kahapon sa Brgy. Andagao Kalibo, Aklan.
Padayun man ro imbestigasyon it Kalibo PNP para matumod ro minatuod nga natabo sa kinagamo sa magtimbang nga bahin.
Sa makarun hay sa kostudiya eon it Kalibo PNP ro ap-at sa limang suspek bangud ro sambilog hay nagapabilin nga naka confine makarun sa Aklan Provincial Hospital.
Igapaidaeum man ro mga raya sa paraffin test para matumod kung sin-o ro nagpaeupok it baril.
Matandaan nga samtang naga inuman segun sanday Jiven Rebenito, 33yo, Reynan Rebenito, 32yo, Jenny Moreno, 56yo ag Ranny Boy Moreno, 29yo parehung residente sa nasambit nga lugar hay gulpi eon lang nga nag abot sa andang compound si Jovany Narral, 42yo nga may daeang baril ag siyaw ag nagpanghangkat it away.
Dikara eon segun ag nakaangkon it kinagamo hasta sa naagaw kay Narral ro anang siyaw nga daea ag raya ro ginamit sa pagsaksak kana.
Gindaea pa sa ospital si Narral pero gindeklara raya nga patay. / ANN DESLENE SALAZAR
