GIBUTYAG karon ni Dr Fidel Peñamante, president sa Philipppine Medical Association o PMA GenSan nga dili lang oxygen ang kulang apan daghan pa sa pakigbatok sa COVID-19.
Segun niini nga ang pagdaghan sa mga anaa sa waitlist ang timailhan nga naglisod na ang health facilities sa GenSan sa pag-akomodar kanila tungod sa padayung pagtaas sa kaso.
Gawas niini, giangkon ni Peñamante nga ubay ubay usab sa mga health workers ang nagpositibo ug bisan ang ilang kauban ang kinahanglan usab nga ma-isolate mao nga migamay na ang ihap sa mga health workers ning panahuna.
Dugang niini nga lakip gikulang ang mga tambal sama sa remdisivir ug uban pa nga tambal nga ginagamit sa mga COVID-19 patients.
Kini matud pa ang hinungdan nganong ginaduso sa PMA-GenSan nga mapailalom sa MECQ ang GenSan aron usab nga mapugngan ang pagsaka sa kaso sa COVID-19 sa syudad. Ingon man nga gipanghinaut ni Peñamante nga madayun na ang giduso nga COVID-19 summit aron matuki ang mga angayang buhaton sa pakigbatok sa COVID-19.
