Suno sa Republic Act No. 10176 ukon “An Act Reviving the Observance of Arbor Day”, naga selebrar ang tagsa ka mga local government units (LGUs) sang Day of Tree Planting bilang isa ka hilikuton kada-tuig.
Paagi sini, gina-manduan ang tanan nga probinsya, syudad, kabanwahan kag mga gin-pili nga mga barangay para buhi-on ang pagimplementar sang Arbor Day ukon Tree Planting Day. Tinutuyo sini amo pag protekta sang environment kag awareness sa probinsya.
Suno sa mensahe ni Vice Gov Magbanua, ang aton pungsod yara na sa isa ka maka-alarma nga sitwasyon sang soil erosion pero paagi sa aton pag pananum sang mga mangroves, magabuhin ang risgo sang sini nga kalamidad.
Dugang pa niya, ang Probinsya sang Capiz isa ka probinsya nga ginapalibutan sang tubig kag prone sa pagbaha, kag ang pagpananum sang kahoy o mangroves importante gid nga hilikuton para malikawan ini nga mga hitabo.
Upod man sa sining aktibidad sanday Board Members Thea Faith Reyes, Trina Marie Ignacio; Atty. Arthur John Biñas, Provincial Administrator; Atty. Maria Leobeth Deslate-Delicana; Provincial Legal Officer; Sapian Mayor Jose Villanueva kag mga katapo sang Philippine National Police (PNP) kag Bureau of Fire Protection (BFP).
