ILOILO – Magapabilin nga sarado ro borders sa probinsya it Iloilo para sa mga non-residents.
Raya hay bangud gin-extend gihapon it Inter-Agency Task Force for the Management of Emerging Infectious Diseases (IATF-MEID) ro enhanced community quarantine (ECQ) hasta August 7.
Ro ginapasugtan eang nga makasueod sa nasambit nga probinsya hay ro mga authorized persons outside of residences (APORs), returning residents, overseas Filipino workers (OFWs) ag residente it Iloilo City ag Guimaras.
Ro mga residente it Iloilo province nga magabalik halin sa Aklan, Capiz, Antique, Negros Occidental, ag Bacolod City hay pagapasugtan nga makasueod kung asymptomatic ro mga raya samtang ro may mga sintomas hay igapaidaeum sa quarantine.
Kinhangean man it mga raya nga makapag-presenta it valid government identification card. / ANN DESLENE SALAZAR
