MAPASALAMATON ang mga biktima sa sunog sa Lower Acharon, Brgy.Calumpang sa ilang nadawat nga hinabang gikan sa Brigada, adlawng Miyerkules, Pebrero 22.
Ang mga personahe sa KaBrigadahan ug 89.5 Brigada News FM GenSan ang nanguna sa relief distribution.
Ang kada pamilya nga biktima sa sunog anaay nadawat nga tag 10 ka kilo sa bugas, delata, ingon man balde, kabo ug uban pa, asa mokabat sa 50 ka relief packs ang napanghatag.
Ang maong paghatag og tabang ang suportado usab sa Brigada Pharmacy Inc. sa Brigada Group, Brigada Foundation kauban ang volunteers sa 1 Tahanan.
