Nakigtabo na ang mga nanag-iya sa pribadong hospital sa Cagayan de Oro sa Cagayan de Oro City Health Office aron ikumpirma ang ilang pasalig nga magdugang sa ilang bed capacity.
Kini aron makadawat pa sa dugang mild ngadto sa asymptomatic nga COVID-19 patient sa Cagayan de Oro.
Gipasalamatan ni Cagayan de Oro City Mayor Oscar Moreno si City Technical Working Group Chairperson Dr. Jess Jardin alang sa pakigtabo niini kang Acting City Health Officer Dr. William Bernardo aron masiguro ang ilang pagtabang sa nagkataas nga kaso sa COVID-19 sa syudad.
Sumala ni Cagayan de Oro City Health Office Medical Officer Dr. Ted Yu Jr. nga kagahapung adlawa, Enero 26 posibleng makita na ang adjustment sa bed capacity ug magresulta sab kini sa health care o critical care utilization sa syudad homan sa duha ka adlaw.
Nasabtan sab sa Mayor nga ang dugang bed capacity nagpasabot sab nga dugang personahe alang sa hospital.
