Muabot sa 13 ka mga mining operators ug permit holder sa Region 10 ang mi-asister sa pagtabang pinaagi sa Community Relations Officer and Practitioners Association sa Region 10 ngadto sa mga na-biktima sa bagyong Odette sa Barangay Alegria Surigao City sa Caraga Region.
Kini uban sa hugot nga koordinasyon sa Mines and Geosciences Bureau Regional Office 10.
Gipahigayun ang relief operation pinasubay sa Memorandum Number 011 nga gipirmahan ni Mines and Geosciences Bureau Director Atty. Wilfredo Moncano alang sab sa realignment sa unspent Social Development and Management Program Fund sa matag mining company sa nasud.
Kini aron masuportahan sab ang mga nabiktima sa paghapak sa bagyong Odette.
Lakip sa mga natunol sa mga biktima ang basic commodities sama sa bugas, canned goods, kape, asukar, gatas, noodles, bath ug laundry soap ug uban pa.
Nunot niini, hugot sab nagpasalamat sa buhatan ang mga residente sa Barangay Alegria Surigao del Sur nga natunulan sa tabang. END
