NAGPADAYAG sa ilang kasinatian ang pipila ka inahan nga nakahimamat sa panon sa partidong AIM sa ilang kapehan sa mga barangay sa Gensan.
Alang sa usa ka 47-anyos nga inahan nga may unom ka anak, nga bisan mangunguling lang sila nga magtiayon, apan padayun lang sila nga gadamgo dungan sa ilang pagkugi sa matag adlaw aron mabuhi ang mga anak.
Gani gidugang pa sa maong inahan nga si Christelle, nga may higayon nga tungod sa kadaghan sa anak ug sa kagamay sa sweldo isip mangunguling, wala silay mapakaon sa ilang anak.
Sama usab sa usa ka 63-anyos nga may tulo ka anak nga naglisod usab sa pagbuhi sa mga anak tungod single mother, apan bisan sa kawad-on wala nawad-an og paglaom, padayung gadamgo nga sa pag-abot sa adlaw, sila ang maharuhay usab.
Sama sa kanunayng ginasulti ni Brigada Elmer V.Catulpos, kinahanglan nga magdamgo tungod kini ang modasig kanato aron makab-ot ang gusto sa kinabuhi, inubanan sa pag-ampo ug pagkugi. Gipasalamatan usab ni Brigada Elmer ang tanang nahimamat sa ilang Kapehan sa Barangay tungod nakakuha og mga sentimento, yangongo, reklamo ug inspirasyon nga mahimong giya sa maayong pagdumala sa GenSan.
