GIPUNTO ni Brigada Elmer V.Catulpos nga walay dakong kalahian ang pagdumala sa negosyo ug gobyerno.
Alang kaniya, tanan may kalabutan sa pagdumala ug relasyon ngadto sa tawo, asa sa iyang kompanya sa Brigada, nga karon 16 ka tuig na wala matud pa kini nag-micro managed gawas kadtong pagsugod pa, buot ipasabot nga wala niya gina-monitor ang pagtrabaho sa mga empleyado ug kini nasuta nga epektibo tungod adunay pagsalig ngadto kanila hinungdan nga milambo ang kompanya.
Apan kinahanglan usab nga matuman ang mga goal, target ug deliverables ug sama kini matud pa sa pag-manage sa gobyerno.
Dugang ni Brigada Elmer, sa gobyerno, kinahanglan matud pa nga ang lider disiplinado aron mahimong modelo kon ehemplo sa tawo.
Dapat makabalo usab sa economic recovery, economic principles ug economic variables labi na karon nga daghan ang naglisod ug makabalo sa pag-analisa sa sistema ug pagdumala sa tawo. Subli usab gipunto nga siya ang kandidato nga dili kawatan, dili mangawat ug walay planong mangawat ug ugaling palaron, walaon niini ang mga abusado sa ilang posisyon ug wala gaserbisyo alang sa mga tawo.
