LEGAZPI CITY – Pigklaro kan Diocese of Legazpi na bako man mga Romano Katoliko an mga naglalayaw-layaw na mga nakabadong puti asin naghahagad nin donasyon sa nagkapirang mga lugar digdi sa Bicol.
An mgan personang ini, miyembro su boot kan Filipino Katoliko, Inc.
Sa intrevista kan Brigada News FM Legazpi kay Spokesperson Fr. Rex Arjona, sinabi kaini na mismong ang grupong ini an nagklaro sa publiko na wara sinda nin koneksyon o bako sindang miyembro kan Simbahang Katoliko.
Kaso, misleading kaya su boot an pangaran kan saindang grupo, alagad wara man nin magiginibo huli ta igwa nin freedom of religion an sarong demokratikong nasyon siring kan Pilipinas.
Hagad ni Arjona, ipasabot ninda sa mga Albayano an saindang grupo, alagad kun igwa su boot sindang otoridad na susog sa ley, pwedesir man sindang maglibot para mag-solicit.
