KALIBO, AKLAN—Humampak eon sa 15,299 do mga nabakunahang healthcare worker’s ag senior citizen kontra sa coronavirus disease 2019 (COVID-19) sa probinsya it Aklan.
Sa nasambit nga numero, 9,205 kara hay mga healthcare workers nga kaibahan sa A1 priority group ag 6,093 man do mga senior citizen.
Suno sa pamunuan it Provincial Health Office (PHO), do Aklan hay sambilog sa mga may pinakamataas nga porsyento o numero it mga nabakunahan sa A1 priority list sa Region 6 kung siin nakapatigayon man eon it inoculation sa A2 priority group do tanan nga mga LGU’s sa probinsya.
Samtang, pila man sa mga mild adverse effect nga naeksperyensyahan matapos maturukan it vaccine hay imaw do pagsakit sa parte kung siin nabakunahan, nagkaangkon it eagnat at mild allergic reaction. // SHERRY ANNE REUNIR-VIDAL
