CAMARINES NORTE- Nag abiso ang mga tanggapan ng Commission on Elections sa iba’t- ibang bayan sa Camarines Norte na magko- convene ang mga Municipal Board of Canvassers ala una ng hapon sa May 9 o sa araw ng election.
Nagpaskil na ng notice ang mga opisina ng Comelec upang ipaalam sa publiko.
Alinsunod ito sa section 23 ng Comelec Resolution No 10731 upang ma- initialize ang Canvassing and Consolidation System
Pagkatapos nito ay magsisimula nang tumanggap at magbilang ng electronically- transmitted Election Returns mula sa mga clustered precints sa iba’t- ibang barangay.
Ang composition ng MBOC ay ang Election Officer bilang Chairperson, Municipal Treasurer bilang Vice Chairperson at Public Schools District Supervisor na tatayong MBOC Secretary.
Tuloy- tuloy ding magme- meet ang board hanggang makumpleto ang canvassing para sa layuning hintayin ang iba pang Election Returns.
Hangad naman ng Comelec ang isang mapayapa at maayos na Halalan.
