Ginapahisayud makaron ku pamunuan it Agricultural Services Division it Kalibo sa tanan nga mga Meat Traders nga umpisa sa Lunes Abril 22, 2024 hay maga pakatay gid it andang mga karne sa Kalibo Meat Plant o kun ro Double A Slaughter House it banwa.
Suno kay Mr. Uriel Las Piñas, Municipal Agricultural Officer, ro Abbatoir it LGU Kalibo makaron hay klasipikado bilang Double A ag may License to Operate nga ginta-o it National Meat Inspection Service NMIS ngani base sa kasuguan, tanan nga mga igabaligya nga mga karne hay katayon gid sa Abbatoir bago nanda ibaligya sa mga tindahan.
Gindugang pa gid ni Las Piñas nga ro tanan nga mga nagabaligya it mga karne hay magbaton ag magabaligya eamang it mga karne nga gin-katay sa Kalibo Meat Plant umpisa sa Lunes.
Ro ASD Kalibo man hay may igabutang nga mga empleyado agud mag-check kun nagahalin gid man sa Abbatoir it Banwa ro andang mga ginabaligya.
Dugang kara, ro mga ginkatay nga karne halin sa mga Kabanwahunan nga owa it Double A Standard nga Slaughter House hay indi pwedeng ibaligya sa Banwa it Kalibo. // ANN DESLENE SALAZAR