ANGAYAN lang ang gihimo sa pangulo nga santaon ang padayon nga pagsaka sa presyo sa bugas tungod nga maglisod og samot ang mga pobre sa pag-apas niini kon itandi sa ilang abot sa matag adlaw.
Kini ang giluwatan ni Juanito Suib nga usa ka mag-uuma sa Barangay San Jose ning dakbayan kalabot sa gihimong lakang sa gobyerno nga himuong P41 ang presyo sa regular milled rice ug P45 sa well-milled rice.
Dugang pa sa nahisgotan nga mas labing maayo nga tutokan sa gobyerno ang presyo sa bugas aron nga sama nilang may edad na nga si Josie Besconte nga usab ka mag-uuma ang nakadayeg sa gihimo sa pangulo tungod kay sama nila nga anaa sa uma makaapas sa presyo.
Hangyo nalang niini ngadto sa mga nagabaligya og bugas nga unta dili magpasulabi sa presyo aron nga silang mag-uuma ang dili malisdan ug dili maglisod sa pagpalit.
Samtang si Lily Moclis sa San Jose Integrated Social Forestry Farmers Association nga usa sa naglungot-lungot nga nagapaningil sa P20 nga matag kilo sa bugas ang namahayag nga unta dili lang sa tumoy sa dila sa pangulo manukad ang kamanduan.
Segon sa nahisgotan nga kinahanglan butangan og ngipon aron nga manubag ang dapat manubag kon ugaling nga adunay nagatago og bugas. I Danny Casi
