LEGAZPI CITY – Pinag-aaralan ngayon ng Provincial Education Department (PED) ng Pamahalaang Panlalawigan ng Albay na maisama rin ang mga mag-aaral sa graduate school sa kanilang programang nagbibigay ng tulong-pinansiyal.
Ayon kay Dr. Roman Chamberlane G. Zuniga VI, nakikipag-ugnayan na sila kay Governor Atty. Edcel “Grex” Lagman at umaasang maaprubahan na ito dahil marami ang posibleng makinabang dito.
Sinabi pa ni Zuniga na kung madadagdagan pa ang pondo nila, posibleng maisakatuparan ang plano nilang ito, ngunit dahil edukasyon ang prayoridad ng gobernador, hindi malayong ito’y maaaprubahan din.
