Ro mga unga nga 18 dag-on panaba sa Western Visayas hay ginpasugtan eun nga makaguwa sa andang panimaeay pero may mga sueondanan nga dapat gihapon masunod sa kada local government unit it rehiyon.
Base sa pamunuan it probinsiya it Iloilo, ro mga menor de edad – anuman ro vaccination status hay pwede makasuoed sa tanan nga mga establisyimento.
Kaman man, ro curfew ag mga minimum health protocol sa probinsiya hay mahugot nga ginapatuman.
Ro mga unga sa probinsiya it Antique hay ginpasugtan man nga maguwa, sa kondisyon nga sanda hay may kaibahan nga vaccinated parents o guardian.
Samtang, ginpasugtan man it lokal nga gobyerno it Aklan nga makaguwa ro mga menor de edad ag ma-access ro mga non-essential goods and services basta may kaibahan nga ginikanan o guardian.
Pero sa Capiz ag Guimaras ag mga siyudad it Bacolod ag Iloilo ro mga menor de edad hay limitado gihapon ro pag-access it mga essential goods ag services.
Samtang, sa Bacolod, ro mga menor de edad pwede eamang makaguwa kung sanda hay ma-avail it pediatric vaccination.
Sa pihak nga bahin, ro mga unga sa Negros Occidental hay ginapasugtan eamang nga makaguwa kung sanda hay may kaibahan nga ginikanan o guardian./JIL B. LACSON
