KORONADAL CITY- NAGSAGAWA ng random inspection si Police Regional Office 12 Regional Director Police Brigadier General Jimili Macaraeg sa mga local police stations sa lalawigan ng South Cotabato.
Layon nito na tingnan at suriin ang mga administrative at operational capability ng mga lower units.
Kabilang sa binisita ni Macaraeg ang Koronadal City Police Station na pinamumunuan ni Police Lt.Col Amor Mio Somine at Polomolok Police Station na pinamumunuan naman ni Police Lt.Col Marvin Duadua.
Sa naturang pagbisita ng opisyal, inilatag ng mga chief of police ang knailang crime prevention measures at law enforcement strategies.
Samantala, nag-courtesy call din si Macaraeg kay South Cotabato Governor Reynaldo Tamayo Jr kasama sina Provincial Director Police Col. Nathaniel Villegas at Regional Public Information Officer Police Lt.Col. Ma. Joyce Birrey upang mas mapatatag pa ang relasyon sa pagitan ng LGU at PNP.
